Call +375223378274 | email: kancel@baa.by
                 
Search:
 
 Галоўная 
 Гісторыя 
 Факультэты 
 Навука і інавацыі 
 Міжнародная дзейнасць 
 Кантакты 


Главная/ main Факультэты

Факультэты

Агранамічны факультэт з’яўляеца найстарэйшым, створаны ў 1919 годзе.

На дадзеным факультэце вядзецца падрыхтоўка спецыялістаў па спецыяльнасці (вочна і завочна) «аграномія» (у тым ліку скарочаны тэрмін навучання), а таксама «селекцыя і насенняводства».

На факультэце маюцца 5 кафедраў, на якіх працуюць 6 дактароў навук, прафесараў, 32 кандыдаты навук. Больш за 85% выкладчыкаў маюць вучоныя ступені. Кафедры маюць лабараторыі, аснашчаныя сучасным абсталяваннем, камп’ютарныя класы.

Выпускнікі агранамічнага факультэта паспяхова працуюць у навукова-даследчых інстытутах, на вопытных станцыях, дзяржаўных сортавыпрабавальных станцыях, у інспекцыях па насенняводству, каранціну і ахове раслін, на прадпрыемствах, якія вырабляюць арыгінальнае, элітнае і рэпрадукцыйнае насенне раянаваных гатункаў вырошчвальных культур, у сельскагаспадарчых арганізацыях, а таксама арганізацыях, якія абслугоўваюць сельскую гаспадарку. Каля чвэрці выпускнікоў гэтых спецыяльнасцяў звязваюць сваю далейшую дзейнасць з навуковымі даследаваннямі – яны паспяхова працуюць у інстытутах Нацыянальнай акадэміі навук Беларусі.

Сярод вядомых выпускнікоў дадзенага факультэта А. А. Папкоў і М. І. Русы; акадэмікі С. Г. Скарапанаў, П. І. Альсмік, С. І. Грыб, У. П. Самсонаў, В. М. Шлапуноў, Л. В. Кукраш.

У 1930 годзе быў створаны зоаінжынерны факультэт, які атрымаў сваю сучасную назву факультэт біятэхналогіі і аквакультуры ў 2015 годзе. За перыяд існавання факультэта падрыхтавана больш за 8 тысяч спецыялістаў вышэйшай кваліфікацыі. На працягу гэтага перыяду факультэт уносіць істотны ўклад у забеспячэнне аграрных прадпрыемстваў Рэспублікі Беларусь высокакваліфікаванымі спецыялістамі.

На факультэце вядзецца падрыхтоўка спецыялістаў па спецыяльнасцях (вочна і завочна) «заатэхнія» (у тым ліку скарочаны тэрмін навучання), «прамысловае рыбаводства». На дзённай форме вядзецца падрыхтоўка спецыялістаў па спецыялізацыі «птушкагадоўля».

Навучанне студэнтаў праводзяць на 6 кафедрах больш за 40 выкладчыкаў, у тым ліку: 6 дактароў навук, прафесараў і каля 30 кандыдатаў навук, дацэнтаў. Маецца сучасная лабараторыя па прыкладной эндакрыналогіі, ветэрынарыі і біятэхналогіі, міжфакультэцкія генетычная лабараторыя, лабараторыя маніторынгу якасці малака, вучэбная пасека, навучальныя камп’ютарныя лабараторыі, птушкагадоўчая лабараторыя, акварыяльная, мікрабіялагічная лабараторыя, лабараторыя зоагігіены.

Выпускнікі спецыяльнасці «прамысловае рыбаводства» могуць не толькі працаваць у рыбаводных гаспадарках рэспублікі, але і займацца навуковымі даследаваннямі, накіраванымі на пошукі новых аб’ектаў рыбаводства i павышэнне рыбапрадуктыўнасці сажалак. Яны таксама могуць вывучаць пытанні аховы рыбных рэсурсаў, працаваць у запаведніках, нацыянальных парках, камітэтах па экалогіі і ахове жывёльнага і расліннага свету і іншых установах.

Выпускнікі спецыяльнасці «заатэхнія» працуюць у якасці кіраўнікоў і спецыялістаў на буйных аграрных прадпрыемствах, у селекцыйна-гібрыдных цэнтрах і на свінагадоўчых комплексах, племянных заводах, дзяржплемпрадпрыемствах, райплемстанцыях, птушкагадоўчых прадпрыемствах, у заапарках, запаведніках, кіналагічных цэнтрах, раённых і абласных службах, навукова-даследчых і навучальных установах.

Аграэкалагічны факультэт існуе ў акадэміі больш за 20 гадоў. Ён вядзе падрыхтоўку спецыялістаў па спецыяльнасцях: «аграхімія і глебазнаўства», «ахова раслін і каранцін», «плодаагародніцтва», «экалогія сельскай гаспадаркі» (у тым ліку і завочна).

На факультэце маюцца 6 кафедраў, на якіх працуюць 6 дактароў навук, прафесараў, каля 40 кандыдатаў навук, дацэнтаў. Больш за 90% выкладчыкаў маюць вучоныя ступені.

Кафедры аснашчаныя сучасным навуковым абсталяваннем, на ўсіх кафедрах маюцца камп’ютарныя класы. Маюцца глебавы музей і геалагічны кабінет, доследныя палі, зімовыя і плёнкавыя цяпліцы, біятэхналагічны цэнтр, вучэбна-доследнае поле «рытаўскі агарод», вучэбна-доследны сад і пладовы гадавальнік.

Больш за сто гадоў функцыянуе вучэбна-доследнае поле «рытаўскі агарод» кафедры плодаагародніцтва, на якім вырошчваюцца і размножваюцца не толькі традыцыйныя культуры, характэрныя для нашай краіны, але і ўнікальныя і рэдкія расліны, у тым ліку востра-духмяныя. Пладовы сад і гадавальнік кафедры налічваюць больш за сто відаў і гатункаў пладовых, ягадных і дэкаратыўных раслін. Жывой лабараторыяй з’яўляецца і батанічны сад, створаны ў 1848 годзе. Дадзены ландшафтны аб’ект змяшчае больш за 1000 відаў і разнавіднасцяў раслін.

Выпускнікі факультэта размяркоўваюцца ў гаспадаркі краіны, якія займаюцца вытворчасцю сельскагаспадарчай прадукцыі, навукова-даследчыя інстытуты, праектна-пошукавыя станцыі, мытныя пункты па каранціне раслін, цяплічныя камбінаты, інспекцыі прыродных рэсурсаў і аховы навакольнага асяроддзя, радыялагічныя і экалагічныя лабараторыі.

На факультэтах біялагічнага профілю вядзецца паглыбленая падрыхтоўка спецыялістаў (магістратура) з прысваеннем кваліфікацыі «магістр сельскагаспадарчых навук».

Факультэт механізацыі сельскай гаспадаркі заснаваны ў 1947 годзе. Выбітнымі выпускнікамі факультэта з’яўляюцца А. М. Калінін, намеснік прэм’ер-міністра Рэспублікі Беларусь, А. М. Ісачэнка, губернатар Мінскай вобласці, кіраўнікі раённых выканаўчых камітэтаў, акадэмікі НАН Беларусі, дэпутаты Палаты прадстаўнікоў Рэспублікі Беларусь, кіраўнікі сельскагаспадарчых арганізацый і многія іншыя.

У цяперашні час факультэт вядзе падрыхтоўку спецыялістаў з вышэйшай адукацыяй па трох спецыяльнасцях першай ступені вышэйшай адукацыі, такіх як: «тэхнічнае забеспячэнне працэсаў сельскагаспадарчай вытворчасці» (вочная і завочная формы атрымання адукацыі), «тэхнічнае забеспячэнне працэсаў сельскагаспадарчай вытворчасці» (скарочаны тэрмін навучання, вочная і завочная формы атрымання адукацыi», «тэхнічнае забеспячэнне меліярацыйных і водагаспадарчых работ» (вочная форма атрымання адукацыі). На другой ступені вышэйшай адукацыі падрыхтоўка вядзецца па спецыяльнасці «тэхнічнае забеспячэнне працэсаў сельскагаспадарчай вытворчасці» (вочная і завочная формы атрымання адукацыі) з прысваеннем кваліфікацыі «магістр тэхнічных навук».

У склад факультэта ўваходзяць шэсць кафедраў, аснашчаных сучасным абсталяваннем, вучэбны палігон, вучэбна-вытворчая майстэрня і дыягнастычная станцыя аўтамабіляў. На факультэце працуе высокакваліфікаваны прафесарска-выкладчыцкі склад, з якіх 8 дактароў навук, прафесараў, 39 кандыдатаў навук. На факультэце навучаюцца 788 студэнтаў.

Асаблівая ўвага на факультэце надаецца паглыбленай практыка-арыентаванай падрыхтоўцы спецыялістаў. Студэнты праходзяць практыку ў вучэбна-вытворчай майстэрні і на навучальным палігоне, на машынабудаўнічых, рамонтных і сельскагаспадарчых прадпрыемствах. Працуючы ў складзе механізаваных атрадаў, студэнты факультэта займаюць прызавыя месцы ў абласных, рэспубліканскіх і міжнародных конкурсах.

Выпускнікі факультэта размяркоўваюцца для працы ў сельскагаспадарчыя арганізацыі, арганізацыі тэхнічнага сэрвісу, навукова-даследчыя інстытуты, праектныя арганізацыі, машынавыпрабавальныя станцыі.

Землеўпарадкавальны факультэт – гэта ўнікальны і адзіны ў Рэспубліцы Беларусь факультэт, які з’яўляецца цэнтрам падрыхтоўкі высокакваліфікаваных кадраў для дзяржаўнай землеўпарадкавальнай і картографа-геадэзічнай службы краіны. Факультэт быў утвораны ў 1924 годзе, аднак яго гісторыя бярэ пачатак з адкрыцця ў 1859 годзе зямельна-таксатарскіх класаў пры Горыгорацкай земляробчай школе.

Факультэт ганарыцца сваімі выпускнікамі. Сярод выбітных выпускнікоў землеўпарадкавальнага факультэта прафесары П. А. Атрушкевіч, П. В. Ковель, В. Ф. Калмыкоў, Ф. К. Курапаценка, А. А. Саламонаў, ганаровы доктар акадэміі Г. І. Кузняцоў, намеснік старшыні Дзяржаўнага камітэта па маёмасці Рэспублікі Беларусь А. В. Літрэеў, генеральны дырэктар РУП «Праектны інстытут Белдзіпразем» У. В. Шалыпін і многія іншыя.

На землеўпарадкавальным факультэце ажыццяўляецца падрыхтоўка спецыялістаў з вышэйшай адукацыяй па дзвюх спецыяльнасцях першай ступені і адной спецыяльнасці другой ступені вышэйшай адукацыі. На першай ступені вышэйшай адукацыі падрыхтоўка ажыццяўляецца па спэцыяльнасцях «землеўпарадкаванне» і «зямельны кадастр» (вочная форма атрымання адукацыі). На другой ступені вышэйшай адукацыі – па спецыяльнасцях «землеўпарадкаванне», «кадастр і маніторынг земляў» (вочная і завочная формы атрымання адукацыі).

У склад факультэта ўваходзяць тры кафедры, на якіх працуюць высокакваліфікаваныя спецыялісты. Кафедры аснашчаныя сучасным абсталяваннем, маюцца чатыры сучасныя камп’ютарныя класы, вучэбна-метадычны кабінет, вучэбна-геадэзічны палігон «Горкі».

Студэнты факультэта замацоўваюць тэарэтычныя веды і набываюць практычныя навыкі на вучэбна-геадэзічным палігоне «Горкі», на прадпрыемствах, падпарадкаваных Дзяржаўнаму камітэту па маёмасці Рэспублікі Беларусь, у землеўпарадкавальных службах, абласных i Мiнскiм гарадскiм агенцтвах па дзяржаўнай рэгістрацыі і зямельным кадастры, іх філіялах і бюро.

Выпускнікі факультэта размяркоўваюцца ў арганізацыі, якія падпарадкаваныя Дзяржаўнаму камітэту па маёмасці Рэспублікі Беларусь, у абласныя і гарадскія агенцтвы па дзяржаўнай рэгістрацыі і зямельным кадастры.

Меліярацыйна-будаўнічы факультэт з’яўляецца адным з найстарэйшых у акадэміі, які заснаваны ў 1919 годзе. Факультэт мае багатую гісторыю і добрыя традыцыі, стаўшы першым на тэрыторыі Беларусі па падрыхтоўцы высокакваліфікаваных спецыялістаў меліярацыйнага профілю.

Факультэт ганарыцца сваімі выпускнікамі. Сярод іх – А. В. Аляксанкін, першы намеснік міністра меліярацыі і воднай гаспадаркі СССР, А. П. Басюкевіч, міністр меліярацыі і воднай гаспадаркі БССР, таксама члены-карэспандэнты НАН Беларусі, заслужаныя дзеячы навукі, прафесары, кіраўнікі абласных аб’яднанняў і многія іншыя.

Факультэт вядзе падрыхтоўку па наступных спецыяльнасцях: «меліярацыя і водная гаспадарка» (вочная і завочная формы атрымання адукацыі), «меліярацыя і водная гаспадарка» (скарочаны тэрмін навучання, вочная форма атрымання адукацыі), «сельскае будаўніцтва і добраўпарадкаванне тэрыторый» (вочная і завочная формы атрымання адукацыі), «сельскае будаўніцтва і добраўпарадкаванне тэрыторый» (скарочаны тэрмін, вочная форма атрымання адукацыі). На другой ступені вышэйшай адукацыі падрыхтоўка ажыццяўляецца па спецыяльнасці «меліярацыя, рэкультывацыя і ахова зямель (вочная і завочная формы атрымання адукацыі).

Факультэт уключае ў сябе тры кафедры, на якіх працуюць высокакваліфікаваныя спецыялісты, маецца лабараторны корпус, аснашчаны сучасным абсталяваннем.

Практыка-арыентаванае навучанне на факультэце ажыццяўляецца на даследным арашальным комплексе: «Тушкава», абсталяваным сучаснымі дажджавальнымі машынамі, на доследных меліярацыйных сістэмах, у базавых арганізацыях ГА «Белводгас», а таксама за межамі Рэспублікі Беларусь – у складзе міжнародных студэнцкіх будаўнічых атрадаў.

Выпускнікі факультэта размяркоўваюцца на працу ў праектныя інстытуты, будаўнічыя і эксплуатацыйныя арганізацыі Міністэрства сельскай гаспадаркі і харчавання Рэспублікі Беларусь.

Эканамічны факультэт на I ступені вышэйшай адукацыі ажыццяўляе падрыхтоўку па спецыяльнасцях: «эканоміка і арганізацыя вытворчасці ў галінах аграпрамысловага комплексу» (кваліфікацыя – эканаміст-арганізатар) вочнай, завочнай, у тым ліку скарочанай, формаў навучання, «сусветная эканоміка» (кваліфікацыя – эканаміст) вочнай формы навучання; на II ступені – «эканоміка і кіраванне народнай гаспадаркай». На факультэце працуе савет па абароне кандыдацкіх дысертацый, вядзецца падрыхтоўка кадраў вышэйшай кваліфікацыі праз аспіранту і дактарантуру.

Выпускнікі факультэта паспяхова працуюць у розных галінах АПК Рэспублікі Беларусь, краінах блізкага і далёкага замежжа. Многія з іх сталі вядомымі дзяржаўнымі дзеячамі, навукоўцамі, кіраўнікамі буйных устаноў, прадпрыемстваў. Мы па праву ганарымся тым, што першы Прэзідэнт Рэспублікі Беларусь А. Р. Лукашэнка – выпускнік эканамічнага факультэта. Сярод вядомых выпускнікоў – надзвычайныя і паўнамоцныя паслы Рэспублікі Беларусь У. В. Грыгор’еў, Л. У. Пакуш, А. М. Табанюхаў; намеснік кіраўніка Адміністрацыі Прэзідэнта Рэспублікі Беларусь М. Г. Снапкоў; старшыня Прэзідыума НАН Беларусі, доктар эканамічных навук, прафесар, заслужаны дзеяч навукі, акадэмік НАН Беларусі У. Р. Гусакоў; рэктар УА «Палескі дзяржаўны ўніверсітэт», доктар эканамічных навук, прафесар К. К. Шабека і многія іншыя.

Прафесарска-выкладчыцкі склад факультэта прадстаўлены высокакваліфікаванымі спецыялістамі, якія маюць вялікі вопыт педагагічнай, навуковай і практычнай працы. На 5 кафедрах працуюць 8 дактароў навук, прафесараў, 24 кандыдаты навук, дацэнты. Кафедры аснашчаныя сучасным камп’ютарным абсталяваннем з неабходным праграмным забеспячэннем.

Эканамічны факультэт прапануе поўны набор паслуг у галіне эканамічнай адукацыі. Складзеныя традыцыі, структура навучання, прафесарска-выкладчыцкі склад і сучасная матэрыяльна-тэхнічная база, дазваляюць рыхтаваць дасведчаных, кваліфікаваных спецыялістаў, якія адказваюць патрабаванням міжнародных стандартаў.

Факультэт бухгалтарскага ўліку на I ступені вышэйшай адукацыі ажыццяўляе падрыхтоўку па спецыяльнасцях «бухгалтарскі ўлік, аналіз і аўдыт» (кваліфікацыя – эканаміст), «фінансы і крэдыт» (кваліфікацыя – эканаміст) вочнай, завочнай, у тым ліку скарочанай, формаў навучання, на II ступені – па спецыяльнасці «бухгалтарскі ўлік, статыстыка».

У падрыхтоўцы спецыялістаў улікова-фінансавага профілю прымаюць удзел 6 дактароў навук, прафесараў, 16 кандыдатаў навук, дацэнтаў. У рашэнні ўлікова-аналітычных задач студэнты авалодваюць найноўшымі тэхналогіямі, даведачна-аналітычнымі сістэмамі і спецыялізаванымі праграмнымі прадуктамі па аўтаматызацыі бухгалтарскага ўліку («1С бухгалтэрыя», «Бухстат», «БІЗНЕС-ІНФА», «Бест» і інш.).

Для праходжання вытворчай практыкі студэнты накіроўваюцца на вядучыя прадпрыемствы сістэмы АПК, у фінансавыя органы і банкаўскую сферу. Гэта дае магчымасць выпускнікам зразумець спецыфіку прафесійнай дзейнасці, праверыць сваю канкурэнтаздольнасць на рынку працы і магчымасці будучага працаўладкавання. Студэнты, якія дасканала валодаюць замежнымі мовамі, маюць магчымасць праходжання вытворчай практыкі за мяжой.

Прафесійная кваліфікацыя дазваляе выпускнікам працаваць на пасадах бухгалтараў, эканамістаў і спецыялістаў на аграпрамысловых прадпрыемствах усіх формаў уласнасці, у дзяржаўных кантрольных, фінансавых і падатковых органах, банках, інспекцыях Міністэрства па падатках і зборах, Фондзе сацыяльнай абароны насельніцтва, страхавых кампаніях, міністэрствах і ведамствах.

Факультэт кіруецца прынцыпам міжнароднай асацыяцыі бухгалтараў: «Навука, сумленне, незалежнасць» і з’яўляецца перспектыўным для таленавітых, энергічных і амбіцыйных выпускнікоў школ і каледжаў.

Факультэт бізнесу і права з’яўляецца на сёння адзіным у рэспубліцы, які ажыццяўляе падрыхтоўку юрыстаў, маркетолагаў і спецыялістаў камерцыйнай дзейнасці для аграпрамысловага комплексу. Падрыхтоўка на I ступені вышэйшай адукацыі ажыццяўляецца па спецыяльнасцях: «правазнаўства» (кваліфікацыя – юрыст) вочнай і завочнай формы навучання, «камерцыйная дзейнасць» (кваліфікацыя – эканаміст), «маркетынг» (кваліфікацыя – маркетолаг-эканаміст) вочнай і завочнай скарочанай формы навучання, на II ступені – па спецыяльнасці «кіраванне ў сацыяльных і эканамічных сістэмах».

Факультэт мае сучасную матэрыяльна-тэхнічную базу. Функцыянуюць пяць навучальных лабараторый і камп’ютарных класаў, бізнес-лабараторыя, лабараторыі таваразнаўства, арганізацыі гандлю і гандлёвага абсталявання; маркетынгавых даследаванняў і крыміналістыкі. На 4 кафедрах працуюць 4 дактары навук, прафесары, 21 кандыдат навук, дацэнт. Наладжаны шырокія дзелавыя кантакты з шэрагам краін блізкага і далёкага замежжа па праграмах акадэмічнай мабільнасці і навуковага супрацоўніцтва.

Выпускнікі спецыяльнасцяў «камерцыйная дзейнасць» і «маркетынг» – гэта эканамісты новага пакалення, якія валодаюць ведамі вытворчых тэхналогій у сельскай гаспадарцы і перапрацоўчай прамысловасці, здольныя абгрунтаваць рацыянальную праграму вытворчасці, стымуляваць эфектыўнасць і прасоўванне тавару на рынак. Яны паспяхова працуюць на пасадах эканаміста, маркетолага, эканаміста па матэрыяльна-тэхнічным забеспячэнні і збыце, а таксама таваразнаўца, гандлёвага агента, брокера і інш. Спецыялісты-юрысты знаёмыя з асновамі эканомікі, аўдыту, судовай бухгалтэрыі і бухгалтарскага ўліку ў АПК, валодаюць пытаннямі рэгулявання працоўных адносін, знешнеэканамічнай дзейнасці, вядзення грамадзянскага і гаспадарчага працэсаў і інш. На рынку працы яны запатрабаваныя ў юрыдычных службах і аддзелах аграпрамысловага комплексу, органах выканаўчай і судзебнай улады, установах юстыцыі, адукацыі і навукі.

Студэнты 3–6 курсаў вочнай або завочнай формаў навучання з добрай паспяховасцю, а таксама асобы, якія маюць вышэйшую адукацыю, могуць дадаткова завочна атрымаць вышэйшую адукацыю па спецыяльнасцях эканамічнага профілю: «эканоміка і арганізацыя вытворчасці ў галінах АПК», «бухгалтарскі ўлік, аналіз і аўдыт», «фінансы і крэдыт», «камерцыйная дзейнасць», «маркетынг» – у Вышэйшай школе аграбізнесу.



       


                 

Copyright © 2004-2020 УО «БГСХА»