«Зорка Венера ўзышла над зямлёю…»
9 снежня споўнілася 130 гадоў з дня нараджэння выдатнага літаратара, перакладчыка, далікатнага і пранізлівага лірыка, вялікага беларускага паэта-наватара Максіма Багдановіча.
Для нашай літаратуры Максім Багдановіч – асоба выключная і сапраўды фенаменальная. Дзякуючы свайму незвычайнаму паэтычнаму таленту ён даў новы напрамак для развіцця літаратуры, паказаў, як можна, а галоўнае, трэба ставіцца да роднай мовы, радзімы, нават жывучы далёка ад мілых сэрцу месцаў. Сёння яго багатая творчая спадчына даўно перакладзена на дзясяткі моў, вершы і паэмы праз многія гады гучаць усё таксама актуальна, знаёмыя кожнаму. Яны дапамагаюць зразумець душу беларусаў, раскрываюць прыгажосць роднага слова. Відавочна, у гэтым і крыецца сакрэт прыцягальнасці творчасці Максіма Багдановіча, нязгаснага, які выклікае цікавасць у розных пакаленняў.
Каб лепш пазнаёміцца з жыццём і творчасцю беларускага паэта, 15.12.2021 года ў палаце культуры БДСГА прайшла літаратурна-музычная вечарына “Зорка Венера ўзышла над зямлёю…”, прысвечаная дню нараджэння вядомага беларускага пісьменніка Максіма Багдановіча.
Гардзеева Вікторыя,
кіраўнік клуба творчай моладзі “Дэбют”
фота Аляксандра Гурікава