Стыпендыяльная праграма Visby (Швецыя)

Мэта стыпендыяльнай праграмы Visby Programme - стварыць навуковы даследчы рэгіён, з цэнтрам на Балтыйскім моры, які будзе складацца з краін Усходняга партнёрства ЕС і Расіі. Наступны перыяд прыёму заявак: 4-14 лютага 2019 на навучальны 2019/2020 год.

Студэнты і студэнткі, якія паступаюць у магістратуру ў Швецыю на дзённую форму навучання могуць прэтэндаваць на стыпендыю ў памеры 9.000 SEK (каля 900 еўра) у месяц, якая пакрывае выдаткі на навучанне і пражыванне. Стыпендыя выплачваецца толькі ў перыяд навучання на адной з магістарскіх праграм. Студэнтам і студэнткам таксама выплачваецца грант на пакрыццё расходаў звязаных з пералётам 5.000 SEK.

Акрамя заяўкі неабходна даслаць на разгляд такія дакументы:

• Матывацыйны ліст

• Рэкамендацыйны ліст

• Рэзюмэ еўрапейскага фармату (без фатаграфіі)

Перавага аддаецца кандыдатам/кам, якія маюць лідарскія здольнасці і высокія інтэлектуальныя здольнасці. Узрост, пол або рэлігія не ўплываюць на рашэнне аб прысуджэнні стыпендыі.

Крыніца: si.se