Летнiя школы i праграмы ў Еўропе
Altemus: Праграма лідарства 2016 (Іспанія, Партугалія)
Моладзь ва ўзросце 20-29 год запрашаецца да ўдзелу ў праграме лідарства "Altemus" - навучанне пройдзе ў сярэдзіне жніўня 2016 года ў Іспаніі ды Партугаліі.
Праграма "Altemus" скіравана на развіццё лідарскіх якасцей і навыкаў, набыццё новага досведу працы з супольнасцю і міжнародны абмен.
Удзельнікі праграмы змогуць даведацца больш пра планаванне, пастаноўку мэтаў, пабудову каманды і вырашэнне праблемаў у калектыве.
У праграмным трэнінгу прымае ўдзел міжнародная каманда кваліфікаваных прафесіяналаў. Па заканчэнні ўдзельнікі атрымаюць адпаведныя сертыфікаты.
Патрабаванні да кандыдатаў:
- грамадзянства Беларусі, Украіны, Арменіі, Грузіі, Кіргізіі, Турцыі, Расіі, Аргенціны, Бразіліі, Кубы, Чылі, Індыі , Малайзіі, Мексікі, В'етнама, М'янмы (Бірмы), Паўднёва-Афрыканскай Рэспублікі; вітаюцца ўдзельнікі з краін Балтыі, Цэнтральна-Ўсходняй Еўропы, Балканаў, а таксама прызнаныя ўцекачы, якія атрымліваюць вышэйшую адукацыю ў ЕС або Канадзе, ці стыпендыяты DAFI;
- узрост 20-29 год;
- валоданне ангельскай мовай;
- добрая фізічны і псіхічны стан, здольнасць вытрымаць 5-8-гадзінную вандроўку пешшу з заплечнікам вагой у 10 кг па горнай альбо пагорыстай мясцовасці.
Арганізатары заахвочваюць удзел маладых людзей, якія імкнуцца да развіцця чалавечых якасцей і лідарскага патэнцыялу.
Вітаюцца кандыдаты/кі, якія працуюць:
- з уразлівымі сацыяльнымі групамі (дзецьмі, людзьмі старога веку, людзьмі з інваліднасцю, мігрантамі, псіхічна хворымі, моладззю з групаў рызыкі),
- у галіне супрацьдзеяння карупцыі, дыскрымінацыі, беднасці,
- у кірунку прамоўцыі аховы навакольнага асяроддзя і адукацыі,
- у сферы сацыяльных інавацый.
Удзел студэнтаў - бясплатны, працоўныя маюць зрабіць унёсак у памеры 75 еўра.
Пражыванне і харчаванне ўсе ўдзельнікі аплочваюць самастойна (прыкладна 45 еўра на дзень). Для невялікай колькасці ўдзельнікаў прадугледжаны стыпендыі. Суіскальнікі стыпендый мусяць ліставаць на е-мэйл: Scholarships2016@altemus.org.
Каб падаць заяўку, калі ласка, перайдзіце на гэтую старонку.
Дэдлайн - 15 сакавіка 2016 года. Па дадатковых пытаннях неабходна звяртацца на е-мэйл: ALP2016@altemus.org. Больш інфармацыі - тут.
Паводле Edu-Active.com.
Нацыянальная стыпендыяльная праграма Славацкай Рэспублікі
Нацыянальная стыпендыяльная праграма Славацкай Рэспублікі прызначана для падтрымкі мабільнасці студэнтаў, аспірантаў, выкладчыкаў універсітэтаў, навуковых супрацоўнікаў і дзеячаў мастацтва. Праграма фінансуецца Міністэрствам адукацыі, навукі, даследавання і спорта Славакіі. Стыпендыі выдаткоўваюцца для абмену і стажыровак ў славацкіх вышэйшых навучальных установах і навукова-даследчых інстытутах.
Суіскальнікамі стыпендый могуць быць грамадзяне краін Еўрапейскай прасторы вышэйшай адукацыі, Еўразвязу, Узбекістана, Канады, Мексікі, Злучаных Штатаў, краін Лацінскай і Цэнтральнай Амерыкі, Аўстраліі, В'етнама, Егіпта, Ізраіля, Індыі, Інданэзіі, Кітая (уключаючы Тайвань), Новай Зеландыі, Рэспублікі Карэі, Таіланда, Паўночна-Афрыканскай Рэспублікі, Японіі.
Тэрмін стыпендыяльнай праграмы для студэнтаў складае 3-10 месяцаў, аспірантаў, выкладчыкаў, навукоўцыў і дзеячаў мастацтва - ад 1 месяца да 1 года.
Стыпендыі прызначаны на пакрыццё выдаткаў на пражыванне, харчаванне і г.д. падчас стажыровак у вышэйшых навучальных установах, навукова-даследчых інтсытутах і няўрадавых арганізацыях Славакі.
Стыпендыяльная праграма не пакрывае выдаткі на падарожжа ў Славакію.
З памерам стыпендый і умовамі падачы заяўкі можна азнаёміцца тут.
Дэдлайн - 14:00 па мінскім часе 30 красавіка 2016 года. Па дадатковую інфармацыю можна звяртацца на е-мэйл: nsp-foreign@saia.sk, па тэл.: +4212 5 930 47 33 (адміністратар праграмы Lukáš Marcin).
Летняя школа ва Ўніверсітэце Мілана (Італія)
З 27 чэрвеня па 2 ліпеня 2016 года Ўніверсітэт Мілана (Італія) ладзіць летнюю школу па эфектыўным менеджмэнце сферы паслуг.
Праграма навучання сканцэнтравана на кіраванні паслугамі і прадуктыўнасці па наступных накірунках:
- электрычнасць;
- газавае забеспячэнне;
- тэлекамунікацыі;
- чыгунка;
- мясцовы грамадскі транспарт;
- водазабеспячэнне і каналізацыя.
Мэта школы - знаёмства са структурай, рэгуляваннем і аказаннем паслуг у Еўропе. Запрашаюцца студэнты магістратуры, аспіранты і дактаранты са спецыялізацыяй у галіне эканомікі, дзяржкіравання, паліталогіі, сацыяльных даследаванняў.
Усе выдаткі кампенсуюцца арганізатарамі: кошт квіткоў (не больш за 350 еўра), пражыванне на працягу 6 дзён, вітальная вячэра, штодзённыя фуршэты, кава і напоі ў перапынках, адукацыйныя матэрыялы, Wi-Fi.
Кандыдаты мусяць даслаць:
Заяўкі прымаюцца праз е-мэйл: gelsomina.catalano@unimi.it.
Дэдлайн - 15 сакавіка 2016 года. Падрабязнасці - на гэтай старонцы.