Абитуриенту 
 Дневное отделение 
 Заочное отделение 
 Общественные организации 
 Аспирантура 
 Наука 
 Международная деятельность 
 Контакты 

Ректорат
О ВУЗе
Одно окно
Сектор менеджмента качества
Иностранному абитуриенту / For foreign student
Европейское пространство высшего образования
РАСПИСАНИЕ ЗАНЯТИЙ
Учебно-методическое управление
Высшая школа агробизнеса
Институт повышения квалификации и переподготовки кадров
Управление воспитательной работы
Учебная работа
Библиотека имени Д.Р. Новикова
Ботанический сад
Дворец культуры
Публикационная активность авторов




Запомнить меня
  Забыли пароль?




Главная / Новости

Адкрыццё праекта “Духоўны патэнцыял кніжнай культуры”

22.09.2017 

15 верасня, у Дзень бібліятэк Рэспублікі Беларусь у бібліятэцы імя Д.Р.Новікава УА БГСГА адбылося урачыстае адкрыццё сумеснага праекта “Духоўны патэнцыял кніжнай культуры”, які падрыхтаваны агульнымі намаганнямі цэнтральнай бібліятэкі імя М.І. Гарэцкага і бібліятэкай акадэміі і прысвечаны 500-годдзю беларускага кнігадрукавання.

Кіраўнікі вышэйназваных бібліятэчных устаноў Ірына Анатольеўна Пачэкіна, Ларыса Іванаўна Кухарава павіншавалі прысутных са святам бібліятэк, адзначылі, што менавіта маштабнасць той даты, якой прысвечаны праект і падказаў ідэю аб’яднаць лепшыя кнігі беларускіх выдавецтваў з фондаў дзвюх бібліятэк на адной выставе “Лепшых кніг адкрыты нам старонкі”, каб найбольш поўна і грунтоўна адлюстраваць тое кніжнае багацце, якое захоўваецца ў фондах бібліятэк нашага горада і больш наглядна прасачыць шлях станаўлення беларускай кнігі.

На адкрыцці праекта прысутнічала і Наталля Міхайлаўна Ермалаева, галоўны спецыяліст аддзела ідэалагічнай работы, культуры і па справах моладзі Горацкага райвыканкама, якая адзначыла тую высокую ролю бібліятэк па прапагандзе літаратурнай спадчыны, гістарычных ведаў, у тым ліку і сярод  студэнцкай і вучнёўскай моладзі. Наталля Міхайлаўна зачытала віншавальны адрас у сувязі з Днём бібліятэк, пажадала поспехаў і плёну ў руплівай і настойлівай працы бібліятэчных устаноў.

Цёплым словам павіншаваў бібліятэкі і дырэктар Інстытута павышэння кваліфікацыі і перападрыхтоўкі кадраў Аляксандр Сяргеевіч Чачоткін, які да сваіх пажаданняў дадаў і карціну з беларускімі краявідамі, якая будзе упрыгожваць інтэр’ер акадэмічнай бібліятэкі.   

Напрыканцы сустрэчы важнасць праекта адзначыла і загадчык кафедры рускай і беларускай моў Таццяна Іванаўна Скікевіч,  падкрэсліўшы, што такая багатая кніжная выстава дасць магчымасць для правядзення шматлікіх асветніцкіх мерапрыемстваў, у тым ліку і з удзелам выкладчыкаў кафедры рускай і беларускай моў.

Паэтычная ілюстрацыя адкрыцця праекта праходзіла з дапамогай удзельнікаў акадэмічнага клуба творчай моладзі “Дэбют” – Гарохавік Алёны, Кучынскага Алега, Міхайлоўскага Яўгенія (эканамічны факультэт), Максіменка Рамана (факультэт аквакультуры і біятэхнаогій), Маісеева Аляксандра (аграэкалагічны факультэт), Нарон Веранікі (факультэт бізнэса і права).

“Лепшых кніг адкрыты вам старонкі”  у бібліятэцы акадэміі (другі паверх, з 8.00 да 17.00). Чакаем!

Студнёва Марыя, галоўны бібліятэкар бібліятэкі імя Дз.Р. Новікава УА БДСГА


Возврат к списку новостей





       

 
213407 Могилевская обл., г.Горки, ул.Мичурина 5 | тел/факс 8(02233)79641 | email: kancel@baa.by

Copyright © 2004-2011 УО «БГСХА»

Система Orphus