Пастулат акадэмii

Віншаванне са 185-гадовым юбілеем Беларускай дзяржаўнай сельскагаспадарчай акадэміі ад горацкага паэта, выпускніка факультэта механізацыі сельскай гаспадаркі Аляксандра Ведзянеева.

Палеткаў прыгажосць у збожжы спелым.
  А хто ж стаіць за прыгажосцю той,
Апроч сялян? Хто не заўсёды ў белым,
  Каго ў свой час, без лірыкі пустой,
Сярпы змяніць на новыя камбайны
  Абрала Неба каб свяціць зямлю,
Тых навукоўцаў, хто ў жыцці звычаны,
  Ды ў справах часам роўны каралю?
Усіх яна ўзрасціла, альма-матэр,
  Эліту той сапраўднай збажыны,
Людзей, хто ў справе майстра і аматар –
  Мы славім іх, усе яе сыны –
Аграрнай акадэміі аснова,
  І кожны цэніць колас залаты.
Тут кожны мае розум навуковы
  І ведаў пракладае нам масты.

Аляксандр Ведзянееў, паэт, выпускнік факультэта
механізацыі сельскай гаспадаркі БСГА
Фота Алесi Цэван