Вялікі чалавек з Малой Багацькаўкі

15 лютага ў бібліятэцы імя Д. Р. Новікава прайшло мерапрыемства, прысвечанае  130-годдзю з дня нараджэння Максіма Гарэцкага – пісьменніка арыгінальнага, самабытнага таленту, крытыка, літаратуразнаўца, лексікографа,   грамадскага дзеяча беларускага нацыянальна-дэмакратычнага адраджэння і нашага зямляка.

Літартурная кампазіцыя была падрыхтавана агульнымі намаганнямі супрацоўнікаў аддзела гуманітарна-асветніцкай работы бібліятэкі акадэміі (загадчык Шаршнёва Л. А.), аддзела абслугоўвання Цэнтральнай бібліятэкі ім. Максіма Гарэцкага (загадчык Марозава А. А.) і удзельнікамі клуба творчай моладзі «Дэбют» (кіраўнік Гардзеева В. С.).

З дапамогай вядучых і змястоўнай прэзентацыі ўдзельнікі мерапрыемства пазнаёміліся з біяграфіяй і творчасцю Максіма Гарэцкага, паслухалі ўрыўкі з яго лістоў, якія дасылаў пісьменнік сваім родным з Вяткі, дзе ён знаходзіўся ў ссылцы і ўспаміны  жонкі Леанілы Чарняўскай пра яго апошні арышт у лістападзе 1937 года.

У выкананні дэбютаўцаў прагучалі творы Максіма Гарэцкага і вершы, якія яму прысвяцілі Алесь Пісьмянкоў і Лідзія Андрэева. 

На мерапрыемстве можна было пазнаеміцца з творамі Максіма Гарэцкага і кнігамі аб ім на кніжнай выставе, якая была аргнізавана да юбілею пісьменніка  ў бібліятэцы імя Д. Р. Новікава.

Аддзел гуманітарна-асветніцкай работы
бібліятэкі імя Д.Р. Новікава УА БДСГА

Фота Аляксандра Гурыкава