Зорка Венера ўзыйшла над Зямлёю
15 снежня ў Палацы культуры нашай акадэміі адбылася літаратурна-музычная вечарына, прысвечаная 130-годдзю Максіма Багдановіча. Мерапрыемства было падрыхтавана аддзелам гуманітарна-асветніцкай работы бібліятэкі імя Д.Р.Новікава, цэнтрам студэнцкай мастацкай творчасці, народным літаратурным аб’яднаннем «Парнас», удзельнікамі народнага тэатра-студыі «Парадокс» і клубам творчай моладзі «Дэбют» з мэтай ушанавання памяці класіка беларускай літаратуры і папулярызацыі сярод студэнцкай моладзі лепшых узораў беларускай літаратуры.
Гэтая літаратурна-музычная вечарына сабрала шмат людзей, якія цікавяцца жыццём беларускіх пісьменнікаў і іх творчасцю. Удзельнікі мерапрыемства як быццам правялі нас па самых далёкіх, утоеных ад людскіх вачэй сцяжынках жыццёвага шляху паэта. І адбылося мерапрыемства цікавым, займальным з дапамогай вершаў, песень і сцэнак, якія агучваліся з сцэны студэнтамі нашай акадэміі.
Дзякуючы зладжанай працы дзвух выдатных і творчых людзей – рэжысёра народнага тэатра-студыі «Парадокс» – Валянціны Ўладзіміраўны Маркевіч і кіраўніка студэнцкага літаратурнага клуба «Дэбют» – Вікторыі Сяргееўны Гардзеевай на сцэне выступілі студэнты эканамічнага факультэту 3 курса – Ганчарэнка Ўладзімір, Гаранская Сабрына, Смалякова Алена, Сакалоўскі Ілля, Хірсан Руслан, а таксама 1 курса – Нарановіч Наталля, Харлап Ангеліна; студэнты 1 курса факультэту бізнэсу і права – Грыбачова Яна, Лупекіна Анастасія, Дыкаленка Мікалай, Міхлюк Аляксей; студэнты 1 курса агранамічнага факультэту: Яўціховіч Ягор, Бяляева Аляксандра, Клімавіч Мацвей, Канапелькіна Аліна; студэнты 1 курса землеўпарадкавальнага факультэту: Кароль Арына, Торган Артур; студэнтка 1 курса факультэту бухгалтарскага ўліку – Сялейка Вераніка.
Акрамя творчых студэнтаў і іх цікавых выступаў на сцэне глядачам быў прадстаўлены яркі відэёфільм, які падрыхтавала загадчыца гуманітарна-асветніцкага аддзела акадэмічнай бібліятэкі – Шаршнёва Людміла Аляксандраўна. Гэты відэёфільм многім неінфармаваным людзям нагадаў жыццёвы шлях Максіма Багдановіча і дапамог узгадаць жыццёвыя абставіны, у якіх вырас і сфарміраваўся будучы паэт. Асаблівая ўвага была нададзена яго вершам аб каханні, напоўненымі трапяткімі пачуццямі, пяшчотай і замілаванасцю да тых, каму яны былі прысвечаны. Многія з гэтых вершаў сталі сапраўднымі шэдэўрамі паэтычнага слова на ўсе гады, шмат з іх былі перакладзены на музыку і сталі агульнавядомымі песнямі і рамансамі.
У канцы мерапрыемства засталося ўзгадаць толькі самае патаемнае, выходнае ад самаго Максіма Багдановіча. Вось што ён гаварыў аб сваіх вершах: «Вершы, вершы дарагія! Спарадзіў я вас, маленькіх, у час, калі мне падымала грудзі хваля пачуцця. I няхай яно з вас знікла, хай збляднелі вы, засохлі, усё ж вы будзіце мне згадкі, і за гэта дзякуй вам. Не абміне і чытач вас. I ў яго калісь бывала мысля супольная з маёю, тая ж хваля пачуцця. Усё калісь перажытое пакідала след у сэрцы і ляжала нерухома цёмнай залежжу, пластом. Разварушце ж, мае вершы, гэты пласт: хай згадка згадку кліча, цягне, хай чытач мой зноў былое пражыве!».
Намеснік дэкана па выхаваўчай рабоце землеўпарадкавальнага факультэту Пшыбыш А.У.
Студэнткі 2 курса землеўпарадкавальнага факультэту – Вешчава Ганна и Карака Настасся.
